John De'Mathew - Nengereria Kane

Kane - John De Mathew

Nguya í ninaga ndara woi na igutha í
Njiguaga aroinokuayakuaya ngahahûka
Ngíûria ní mûriû wa ng’ania wanyua njirûngi
Ngamenya hinya wa kíara kímûe kía rûrírí níwora

Gícagi nakuo nínengererio kane í
Thimíra ikûmi mbaû kana ûhe mûtûkû
Atumia mbeû njíthí no gûkaya
Makíûria mûhuri wa mbeû angiuma kû thuna ciume ingí

De Mathew ngûina rûrû ndûarûo mûtitû
Mahíndí makûa makonagûo ta JM
No ngatiga kûaria Gíkûyû mûanjigua í
Wamatimu ciothe ndoiga cinengere arûme indo ciao

Gícagi nakuo nínengererio kane í
Thimíra ikûmi mbaû kana ûhe mûtûkû
Atumia mbeû njíthí no gûkaya
Makíûria mûhuri wa mbeû angiuma kû thuna ciume ingí

Ní ng’ombe iríkû mûanyita gítong’oe í
Cínyûíre gíthima kíihûire ciûra iragamba
Mûthûri ûtarí kíara gía kûnorithia í
Ona ûngímûhithia iíuhítie kímengemenge no kûhínja

Gícagi nakuo nínengererio kane í
Thimíra ikûmi mbaû kana ûhe mûtûkû
Atumia mbeû njíthí no gûkaya
Makíûria mûhuri wa mbeû angiuma kû thuna ciume ingí

De Mathew nguga ihoha rírí rítemûo í
Ríhihinyûo mûigua ní ûkûrûgio ní mahira
Kanitheno baba arauga tûhonoke í
Mwana e mûhûtu akûmeria kiugo kana ní mieû agûikia?

Gícagi nakuo nínengererio kane í
Thimíra ikûmi mbaû kana ûhe mûtûkû
Atumia mbeû njíthí no gûkaya
Makíûria mûhuri wa mbeû angiuma kû thuna ciume ingí

De Mathew ndíroria nyonio mûndû mûka ûcio
Ûngítheka akahûke  mathiko-iní ma mûriû
Karí kímaramari kía njíka na kíí
Maciara ma itonga ní matige kûrírithia mûthíni

Gícagi nakuo nínengererio kane í
Thimíra ikûmi mbaû kana ûhe mûtûkû
Atumia mbeû njíthí no gûkaya
Makíûria mûhuri wa mbeû angiuma kû thuna ciume ingí

De Mathew ngûrûnga mûgítumûríre
Kume athuri kûa Jomo o ríû itekûhahûka
Mûthuri wa gakituo ní mûanake witû
Kûaga ûguo weru wa Gíkûyû ûkahona njogu írí kamande

Gícagi nakuo nínengererio kane í
Thimíra ikûmi mbaû kana ûhe mûtûkû
Atumia mbeû njíthí no gûkaya
Makíûria mûhuri wa mbeû angiuma kû thuna ciume ingí

YouTube Link: https://www.youtube.com/watch?v=Pf0R5O-zTI8

Arume Kwina Mbu Song by John De 'Mathew lyrics

Arume Kwina Mbu lyrics 

Arũme kwĩna mbu,  

kiumei tũmiuge,

kana inyuothe mũkome thibitarĩ ma nĩ sukari,

kana inyuothe mũkome thibitarĩ nĩ ngoro cianyu ĩĩ kũrumia.

Nĩ harĩ no ũgwati, De Mathew ndĩrona,

maica ma arũme nĩ marĩ haceke biũ ta uthi,

nĩ harĩ no ũgwati De Mathew ngũona ũrĩ mĩrango-inĩ kwanyu mĩciĩ.

 

Wethe wĩra na thĩna,

Nokarĩa na thĩna,

Gũkoma nĩ thĩna nĩ stresi ma cia wĩra-inĩ,

Kahinda kanini Njoroge akanjia gũcenjia mũcibi marima,

Arũme kwĩna mbu,

Tondũ Kamau ũrĩa,

Mũthekagĩrĩra atĩ nĩatigĩtie itherũka rĩmwe,

Aĩgana ta nguũ nĩũndũ ona gũkuĩtwo nonginya arĩe Jogoo nuthu.

 

Ũhikanie na thĩna,

Ngai akuhe rori,

Ĩtuĩke ruo bara kũraraga ũgĩthiĩ na ũtukũ,

Tondũ ndereba nĩahũra thimũ ĩtũrĩkĩire magũrũ Kahuho.

Mũtumia nake,

Akanjia gũthita atĩ,

Akerwo nĩ ũngĩ atĩ mũthuri wake ndararaga nja,

ũgĩkinya rori akoiga ndiũma thũku ũgũthiĩte gũcaria ahikĩ.

 

Arũme kwĩna mbu,

kiumei tũmiuge,

Mobile yaku ĩkanjia gũthomwo nĩa wandĩkĩte,

Communication ciaku igatapwo ta gwaku wũũi arĩ forithi,

Wanyuathina nũũ,

Wamumunywo nũũ,

Wa-Edith nũũ na Wa-Maria ciũria ta forty,

Ũkanjia kũhĩnja ta wahikania wetũmire kwa ngoma ihererwo.

 

Ũkĩnyua mũcuba,

Ndũngĩnyua na thayũ,

Nĩ nyina wa Mwangi kũhũra thimũ mĩrongo mĩingĩ,

Agĩkũũria kaĩĩ ithe wa Mwangi rĩu ũrĩraraga kĩrabu.

Naguo mwĩri waku,

Ndũngĩgĩa na rĩũa,

Tondũ gwaku mũtumia akũigĩte maica ma thiia,

Ĩrĩa ĩtanoraga nĩ kũrĩa ĩkĩhũgaga mĩrũthi ndĩkamĩrĩe.

 

Arũme kwĩna mbu,

Kiumei tũmiuge,

Mũtumia waku wamũhikirie atarĩ ona kĩndũ,

Ndokire na kĩndũ tiga gathandũkũ ka nguo ciake na raba.

Na watwarwo ciira,

Atĩ mũgayane indo,

Na ciira ũgatuo atĩ mũkoĩnana indo ciaku kerĩ,

Kĩgiria kĩa mũrĩmũ wa sukari arũme ngũria nĩ kĩrĩkũ?

John De 'Mathew Arume Kwina Mbu https://www.youtube.com/watch?v=0HZPiP7NNXI

John Demathew

Joseph Kariuki Kiarutara Uturo Muritu( mwari wa maitu tiga gwitigira wa mona)

Mwarĩ wa maitũ tiga gwĩtigĩra wamona ĩĩ

Hau tũkinyĩte twĩrerete na thĩna

Kuma twathutũkania ya kũrĩa na ya ikũmbĩ ĩĩ

Noguo ngĩa na mũigua ciamenyire kũmatha

Kũrĩa na kũnyua twatũirio nĩ ngogoyo ya igwa ĩĩ

Ĩreragĩra rũkũinĩ na ĩkaya kũigana

Ndingĩenda kũririkana thĩna twarerirwo naguo ĩĩ

Matũigĩte na ndogo ta riiko rĩa ngũ njigũ

Maitũ Wairimũ athire na ũtukũ ta munĩko ĩĩ

Mwengũ na rigitũ ciarigicanĩire ũthoni

Akĩrwo athiĩ na mbura yuure ĩmũrinde makinya ĩĩ

Mbarĩ ya Mũngai Ũkabi nĩ mũhũnu mũtu.

Gĩathĩa njenga maitũ athire ta aikio na kĩano ĩĩ

Tũgĩtigwo na baba na mwarĩ wa maitũ

Tũgĩtigwo gũtirĩ ũngĩarutire ũngĩ riiko ĩĩ

Baba ndatũrũmbũyagia atũraga kwa ngatha.

Tondũ rũthuko rũnungaga rũrĩ kĩnya-inĩ ĩĩ

Baba akundĩte hĩa igĩrĩ agambaga ta nduthi

Mahĩtanirie na mũthuri ũmwe warĩ wa itũũra ĩĩ

Mũthuri ũcio arĩ ngati thakame ĩrĩa njũru.

Inegene na mbĩtĩka kwarĩ gĩcanjama ĩĩ

Baba akĩgũtha mũthuri igũtha rĩa kĩũrago

Ciira wacirwo baba akĩohwo njeera mĩaka ĩtandatũ ĩĩ

Tũgĩtigwo riũa-inĩ na mwarĩ wa maitũ.

Twatigirwo gĩcagi kĩa ndũrĩka cia mũng’etho ĩĩ

Kũrĩa ũũgĩ wa arũme wakĩgĩrĩire igeca

Campaign ya ũũru wa baba yekirwo nĩ atumia ĩĩ

Athuri a kanitha tondũ nĩ anyuaga kari.

Makĩhakana njeera baba witũ ahũrwo ĩĩ

Atwarirwo thibitarĩ atekwĩigua

Rĩkiuma ngo-inĩ riboti ĩgĩũka baba ndarĩ ho ĩĩ

Ona ndarekirwo arĩkie kĩoho kĩrĩa ohirwo.

Mũndũ arĩ gũkuithia ithe no Ngai ũrĩ bata nake ĩĩ

Nĩndamenyire atĩ nyũmba itirĩmanagĩra

Rĩrĩa baba akuire kwagĩire njege cia munĩko ĩĩ

Ingĩ nĩ broker njũru njũkĩ mwaria njarie.

Ũtonga wothe wa baba wa mbũri na ng’ombe ĩĩ

Mĩgũnda na mburoti ciendirio kĩmungunyo

Tũkĩrwo tũthiĩ biũ kũu tũtirĩ na wako ĩĩ

Tũkĩrwo tumĩre bara tũgethe maitũ.

Harĩa thũ ĩikagio ti ho ĩgũaga nĩtwathire ĩĩ

O karĩma tũkagũa tũgĩethaga maitũ

Tondũ kuma atũtiga ndaigana narĩ kwĩhũgũra ĩĩ

Marakara manene merirwo nĩ mũtino.

Ngai nĩarũmbũyagia ũrĩa wothe ũmũkayagĩra ĩĩ

O na tũtonete maitũ tũkĩona wĩra

Mũtiga mwahũ akoraga igima nĩtwagĩire indo ĩĩ

Maitũ ũrĩ o harĩa ũrĩ ũmenye no tũragwetha.

YouTube Link: https://www.youtube.com/watch?v=UbOWn6hE04Y